Regional – DZAT 1512 LIFERADIO

BAGONG PORT OPERATIONS BUILDING (POB) NG PORT OF MARQUEZ AT PIER 3 SA LUCENA, GANAP NANG PINASINAYAAN

DZAT — Tue, 28 Sep 2021 00:09:41 +0000

Araw ng Sabado, Sept. 25,2021, pinasinayaan sa pangunguna ni Transportation Secretary Art Tugade ang bagong Port Operations Building (POB) sa Port of Marquez (Marinduque-Quezon) sa Bgy. Dalahican, Lucena City.Kasama sa nasabing okasyon si Port Manager Jay Daniel Santiago.
Naging highlight sa inauguration ang unveiling ng marker ng nasabing gusali. Inaasahan na ang bagong port operations building na ito ay lalong magpapaganda sa serbisyo ng nasabing pantalan.
Ang bagong Pier 3 naman ay inaasahan na kayang mag accommodate ng 12,500 na mga barko o roro na bibiyahe.
Samantala,nabanggit din ni DOTR Sec.Tugade na magiging napakalaking tulong para sa ating mga kababayan lalo na sa Marinduque, Romblon at Masbate ang expansion ng pantalan sa Lucena.

TRANSPORTATION SECRETARY ART TUGADE, NAGSAGAWA NG INSPEKSYON SA BAGONG PNR LUCENA STATION

DZAT — Tue, 28 Sep 2021 00:09:33 +0000

Pinangunahan ni Department of Transportation (DOTR) Sec. Art Tugade ang inspeksiyon sa bagong tayong Phillipine National Railway (PNR) Lucena Station noong araw ng Sabado, Sept. 25,2021.
Bahagi ito ng 560-kilometer long haul rail line at 35 train stations na magkokonekta sa National Capital Region (NCR) at mga lalawigan sa Southern Luzon na kinabibilangan ng Laguna, Quezon, Batangas, Camarines Sur at Sorsogon.
Samantala,ang gagamiting riles naman sa nasabing proyekto ay standard gauge o mas malapad na riles ng tren at inaasahan na ang tren ay may bilis na 120 hanggang 160 kilometers per hour.Kung noon,14 hanggang 18 oras ang biyahe mula Bicol pa-Maynila, sa pamamagitan ng isang “diesel train” ay magiging apat (4) na oras na lamang.
Inaasahan naman na magkakaroon ng partial operation ng long haul rail line sa buwan ng Abril taong 2022.
Kaugnay niyan nabanggit naman ng alkalde ng lungsod ng Lucena na si Mayor Roderick Dondon Alcala na may inilaan ng bagong paglilipatang lugar para mga residente na dating nakatira sa bisinidad ng bagong tayong Lucena train station.

Laguna Medical Center, nanawagan sa DOH para sa karagdagang nurses

DZAT — Thu, 23 Sep 2021 12:17:06 +0000

Nanawagan ang pamunuan ng Laguna Medical Center sa Department of Health (DOH) para sa karagdagang nurses matapos magpositibo sa COVID-19 ang 25 kawani ng kanilang pagamutan.
Bukod sa nurses, isinailalim na rin sa quarantine ang ibang mga kawani ng ospital dahil sa posibleng exposure sa mga natukoy na nagpositibo sa COVID.
Ayon kay Infectious Disease Unit Head, Dr. Christina Marquez, malaki ang epekto nito sa serbisyong medikal ng ospital dahil bago pa man magpositibo ang ilang mga kawani ay maraming nurses na rin sa ospital ang umalis patungo sa ibang bansa at nagresign dahil sa bagong oportunidad na hanggang ngayon ay hindi pa rin napapalitan.
Bukod dito, mayroon na ring mga personnel na nagpositibo sa Covid-19. Ayon kay Dr. Marquez, sila ay nahawahan ng Covid-19 dahil sa community transmission at hindi sa loob ng ospital.
Sa kabila nito ay umaasa ang pamunuan na matutugunan ang suliranin ng kanilang ospital na nasa Ã¢â‚¬Ëœfull capacityÃ¢â‚¬â„¢ status na rin dahil sa dami ng mga pasyenteng may Covid-19.
Source: PIA CALABARZON NEWS

RIZAL PROVINCE NASA IKATLONG PUWESTO SA PINAKAMARAMING NABAKUNAHAN SA CALABARZON

DZAT — Thu, 23 Sep 2021 12:16:57 +0000

Nasa ikatlong puwesto ang lalawigan ng Rizal sa buong CALABARZON ang may pinakamataas na vaccine coverage na kung saan 21 percent ng target population sa nasabing lugar ang bakunado na laban sa COVID 19.
Sa vaccine rollout tally nitong September 20 ay umakyat na sa 488,140 ang mga fully vaccinated mula A1 hanggang A5 priority sector sa nasabing probinsiya.
Samantala nasa higit 674,000 ang nakatanggap ng unang dose na kung saan nangunguna ang mga adults with comorbidities at economic frontliners.

BAGONG EVACUATION CENTER SA REAL PINASINAYAAN

DZAT — Thu, 23 Sep 2021 12:16:50 +0000

Isinagawa ang pagbabasbas at turn-over ceremony para sa bagong evacuation center sa Barangay Cawayan, Real, Quezon noong nagdaang Setyembre 20, 2021.

Ayon sa lokal na pamahalaan ng Real, ang naturang proyekto ay pinondohan sa pamamagitan ng programang Assistance to Municipalities (AM) ng Department of Interior and Local Government (DILG).

Dinaluhan naman ito nina Real Mayor Diana Abigail Aquino, Atty. Joana Suarez na tumayong kinatawan ni Gov. Danilo Suarez at ilan pang mga opisyal.

Source: Municipality of Real

Pagpuno ng morge sa Quezon Medical Center, agad na inaksiyunan ng Lucena City LGU at DOH

DZAT — Mon, 20 Sep 2021 21:33:22 +0000

Agad na tinugunan ng pamahalaang lungsod ng Lucena at ng pamahalaang panlalawigan ng Quezon ang paglilibing sa mga bangkay na naiulat na nakatambak umano sa morge ng Quezon Medical Center.

Sa ulat ni Lucena City Disaster Risk Reduction and Management Officer Janet Gendrano sa Calabarzon Regional Inter-Agency Task Force Against Covid-19, sinabi nito na matapos matanggap ang ulat mula sa pamunuaan ng QMC noong Setyembre 6 ay agad na sumulat ang pamahalaang lungsod sa Department of Health (DOH) para sa kaukulang pahintulot na mailibing na lamang ang mga bangkay sa halip na hintayin ang schedule ng pag-cremate sa mga ito.

Aniya, dahil sa pagdami ng mga nasawi sa Covid-19 ay nagkaroon ng pile-up sa nag-iisang crematorium site sa lalawigan dahilan para maantala ang pag-cremate sa mga bangkay mula sa naturang ospital.

Dagdag pa ni Gendrano na nagkaroon din ng koordinasyon sa pagitan ng pamahalaang panlalawigan, Department of the Interior and Local Government at iba pang lokal na pamahalaan sa probinsiya para makuha ang iba pang bangkay sa naturang ospital at mailibing sa kani-kanilang mga bayan.

Sa isang pahayag, sinabi ni Dir. Eduardo Janairo, regional director ng DOH Region 4A, na agad nilang tinugunan ang naturang problema. Pero gusto aniya ng karamihan sa mga kaanak ng mga namatay sa Covid-19 ay ma-cremate ang mga bangkay nito.

Aniya dahil sa kakulangan sa crematorium site ay maaari aniyang i-seal sa body bag ang mga bangkay gayundin ang ataul na paglalagakan nito at kinakailangan na mailibing agad ang mga ito.

Ayon kay Janairo, nakakabahala ang mga bangkay na hindi agad nakukuha sa morge dahil maaari aniya itong pagmulan ng ibaÃ¢â‚¬â„¢t ibang sakit.

Pahayag naman ng pamahalaang panlalawigan ng Quezon na kontrolado na ang insidente at wala ng nakatambak na mga bangkay sa QMC.

Ani Suarez, hindi inaasahan ang dami ng namatay sa Covid-19 kaya napuno ang morge at crematorium sa lalawigan.

Ayon sa Gobernador, sinusubukan nila ngayon na makakuha ng portable na crematorium para sa mga pasyenteng nasawi dahil sa Covid-19.

Ngayong Setyembre ay nagkaroon ng biglang pagtaas ng kaso ng Covid-19 sa ibaÃ¢â‚¬â„¢t ibang bahagi ng Quezon dahilan nang pagpuno ng ilang healthcare facilities sa lalawigan.

Ayon kay Dr. Rolando Padre, chief of hospital ng QMC, hindi inaasahan ang pagdami ng mga nasawi dahil sa Covid-19 sa pagpasok ng Setyembre kung kayaÃ¢â‚¬â„¢t napuno ang kanilang morge na mayroon lamang na dalawang mortuary freezer.

Nitong Linggo, Setyembre 19, umabot na sa 2,536 ang aktibong kaso ng Covid-19 sa Quezon.

May 12 karagdagang pasyente ang naiulat na nasawi dahilan para umabot sa 1,147 ang kabuuang bilang ng mga pumanaw sa lalawigan dahil sa sakit na Covid-19.

Tiniyak naman ng Regional Inter-Agency Task Force Against Covid-19 na maayos ang koordinasyon sa mga lokal na pamahalaan at mga ospital upang maiwasan na ang insidente.

Source: PIA CALABARZON News Website

SUSPEK ARESTADO SA BUY BUST OPERATION SA MAUBAN, QUEZON

DZAT — Mon, 20 Sep 2021 21:33:21 +0000

Isinagawa ang buy bust operation nung araw ng Linggo, Sept. 19, 2021 bandang alas-kuwatro ng hapon sa Mauban, Quezon.
Arestado ang mga suspek na kinilalang si Jay Paulle Tejada Villamayor alyas Pipoy, bente otso anyos, residente ng Sitio Sta. Barbara Barangay Soledad. Mauban Quezon matapos na mabilhan ng isang pulis na nagsilbing poseur buyer.
Nakuha mula sa suspek ang limang sachet ng shabu at isang 500 peso bill na nagsilbing marked money sa nasabing operasyon.
Nasa kustodiya na ng Mauban Municipal Police station ang suspek, na maaring maharap sa kasong paglabag sa Sections 5 and 11, Article II of Republic Act 9165 o Comprehensive Dangerous Drugs Act of 2002.

Rural Health Unit Sa Quezon, Quezon Suspendido Ang Ilang Serbisyo

DZAT — Mon, 20 Sep 2021 21:33:19 +0000

Suspensido ang consultation services sa Rural Health Unit (RHU) sa islang bayan ng Quezon sa lalawigan ng Quezon matapos na ang isang nurse dito na dineploy ng Department of Health (DOH) ay mahawahan ng COVID 19.
Sa ngayon isinasagawa na ang contact tracing sa nasabing bayan upang malaman ang mga posible pang nahawa nang nasabing virus.
Samantala ang swab test sa mga empleyado ng RHU ay isasagawa sa Miyerkules, September 22.
Tuloy pa naman umano ang vaccination rollout at maging ang birthing services.

Oxygen tanks para sa mga residenteng may Covid-19, libreng magagamit sa bayan ng General Luna

DZAT — Sun, 19 Sep 2021 21:57:33 +0000

Dahil sa patuloy na pagtaas ng kaso ng Covid-19 sa lalawigan ng Quezon ay minabuti ng lokal na pamahalaan ng General Luna na bumili ng 20 medical oxygen tanks na magagamit ng mga residente nito.
Ayon kay Mayor Matt Florendo, bumili ang lokal na pamahalaan ng mga oxygen tanks na may regulators upang matulungan ang mga nasasakupan nitong makararanas ng hirap sa paghinga dahil sa Covid-19.
Nitong Biyernes, Setyembre 17 ay dumating ang unang batch ng mga hospital-sized oxygen tanks na kanilang binili at inaasahang darating sa susunod na linggo ang 10 pang karagdagang oxygen tanks.
Ayon kay Florendo, ang mga oxygen tanks ay libreng ipapagamit sa mga residenteng nangangailangan nito. Libre din aniya ang oxygen refill para sa mga indigent patients.
Nananatili naman ang buong lalawigan ng Quezon sa ilalim ng general community quarantine Ã¢â‚¬Ëœwith heightened restrictionsÃ¢â‚¬â„¢ hanggang sa katapusan ng Setyembre.
Source: PIA CALABARZON NEWS

CASH PAYOUT NG MGA DOLE TUPAD BENIFICIARIES ISINAGAWA NG KALINGA PARTY LIST SA QUEZON PROVINCE

DZAT — Sun, 19 Sep 2021 21:57:30 +0000

Isinagawa nung araw ng Biyernes,September 17,2021, ang cash payout para sa mga DOLE-TUPAD beneficiaries sa pamamagitan ng KALINGA PARTYLIST sa pangunguna ng kanilang representative, Congresswoman Irene Saulog.
117 beneficiaries mula sa Bgy. Dalahican, Lucena City ang naging kabahagi sa nasabing programa.
Ayon sa kanila, lubhang naapektuhan ang kanilang kabuhayan ngayong pandemya.
Bilang bahagi ng programang ito, nagsagawa ng paglilinis sa nasabing barangay ang mga beneficiaries.
Sila ay nagpapasalamat na mayroong ganitong programa na naging malaking tulong sa kanila.
Bukod riyan nung araw ding yaon isinagawa rin ang kahalintulad na aktibidad sa Sariaya, Candelaria at Tiaong, Quezon.